Sestaoko Gazte Asanbladaren oharra:
Sestaoko Gazte Asanbladak deia
egiten du gure herrian laugarren urtez, ekainaren 28an, LGBT askapen
eguna dela eta, antolatutako ekimenetan parte hartzeko. Aurten, aurreko
urteetan bezala, ekimen zentrala “sexu askapena herri librea
eraikitzeko” lemapean Sestaoko udaletxeko eskilaretan egingo den
kontzentrazioa izango da, ostegunean bertan, 20:00etan.
Sestaoko Gazte Asanbladaren ustez, argi
geratzen da homofobia, lesfobia eta transfobia ez direla kasualitatea,
gizartearen gidaritza gizon, heldu eta heterosexualengan lagatzen duen
antolaketa patriarkalari erantzuten diotela baizik. Egun, LGBT
kolektiboari mundu zabalean eskaintzen zaion errezeta, eta Euskal Herria
ez da salbuespen, normaltasunetik urrun dago: eskuin muturra eta
erlijioen ofentsiba, transexualen psikiatrizazioa, irain eta erasoa,
jazarpena, eta heritza zigorra ere bai, normaltasunez sexu edo genero
orientazioa garatu nahi izateagatik.
Horren aurrean, Sestaoko Gazte
Asanbladak kalera irtetearen garrantzia azpimarratu nahi du, herri eta
auzoetan ere bai askapen sexualaren aldeko borrokari gorpua emanez,
duela 43 urte luze Stonewalleko iraultzaren ondotik bizitako arima
borrokalari berdinarekin, inposaketa eta diskriminazio ororekin
amaitzeko bidean.
http://topatu.info/blog/2012/06/27/heteronormak-haustera-goaz/
http://topatu.info/blog/2012/06/27/heteronormak-haustera-goaz/
No hay comentarios:
Publicar un comentario
Nota: solo los miembros de este blog pueden publicar comentarios.